اسلام آباد۔26مارچ (اے پی پی) وزیراعظم محمد شہباز شریف آکھیا جو پاک چین دوستی کوں نقصان پڄاوݨ دی کوششاں کوں کامیاب کائنا تھیوݨ ݙیسوں، دہشت گردی دے ناسور دے خاتمے تئیں ایندے خلاف جنگ جاری رہسی، حکومت بشام واقعےدی اعلیٰ سطح اتے جلدی تحقیقات کر تے ذمہ واراں اتے سہولتکاراں کوں سزا ݙیسی۔ منگل کوں وزیراعظم آفس دے میڈیا ونگ توں جاری بیان موجب وزیرِ اعظم محمد شہباز شریف اسلام آباد اچ چینی سفارتخانہ دا دورہ کیتا اتے چین دے پاکستان اچ سفیر جیانگ زائیڈونگ نال بشام اچ دہشت گرد حملے اچ پںج چینی باشندیاں دی ہلاکت تے تعزیت کیتی۔ ایں موقع تے وزیرِ خارجہ اسحاق ڈار، وزیرِ داخلہ محسن نقوی، وزیرِ اطلاعات تے نشریات عطاء اللہ تارڑ اتے وزیرِاعظم دے معاونِ خصوصی طارق فاطمی وی وزیراعظم نال ہن۔ وزیراعظم آکھیا جو مئیں سودھے پوری قوم دی ہمدردیاں چینی شہریاں دے ٹبراں نال ہن۔
