اسلام آباد۔27مارچ (اے پی پی):چیئرمین واپڈا انجینئر لیفٹیننٹ جنرل سجاد غنی (ریٹائرڈ) گزریل ݙینھ چینی انجینئرز اتے کارکناں نال تھیوݨ آلے دہشت گردی دے واقعے دے بعد داسو ہائیڈرو پاور پراجیکٹ دا دورہ کیتا۔ انہاں دے دورے دا مقصد داسو ہائیڈرو پاور پراجیکٹ تے کم کرݨ آلے چینی انجینئرز اتے ٻئے کارکناں نال واپڈا ولوں یکجہتی کرݨ ہئی۔ خیبرپختونخوا دے علاقہ بشام دے نیڑے گزریل ݙینھ اسلام آباد توں داسو پراجیکٹ ویندیں ہوئیں چینی انجینئرز اتے کارکناں دی ڳاݙی کوں دہشت گردی دا نشانہ ٻݨایا ڳئیا ہئی جئیں اچ پںج چینی انجینئرز اتے کارکن جڈانجو ہک مقامی جان دی بازی ہر ڳئے۔ پاکستان اچ چینی سفیر جیانگ ژائی ڈونگ چیئرمین واپڈا دے رلے پراجیکٹ سائٹ تے چینی ورکرز نال وقت گزاریا۔ چیئرمین واپڈا داسو پراجیکٹ دے کنٹریکٹرزچین دی تعمیراتی کمپنی ”چائنہ گزوبہ گروپ کمپنی“ دے کنسٹرکشن کیمپ دا دورہ کیتا۔
