اسلام آباد۔27مارچ(اے پی پی) پاکستان پیپلزپارٹی پارلیمنٹیرینزدی قیادت دی ہدایت تے فدا محمد خان اتے قیضار خان میانخیل سینیٹ انتخابات توں دستبردار ،طلحہ محمود جنرل نشست اتے روبینہ خالد تریمت نشست تے امیدوار ہوسن۔ پاکستان پیپلزپارٹی دے میڈیا ونگ توں جاری بیان موجب پیپلزپارٹی دی مرکزی رہنما فریال تالپور دی صدارت اچ اجلاس تھیا ۔اجلاس اچ چیئرمین پیپلزپارٹی بلاول بھٹو زرداری دی خیبر پختونخوا سانڳے بݨائی ڳئی کمیٹی دے ممبران سید خورشید احمد شاہ ،محمد علی باچا،شازی خان اتے فیصل کریم کنڈی شرکت کیتی ۔پارٹی قیادت دی ہدایت تے فدا محمد خان اتے قیضار خان میانخیل پارٹی مفاد دی خاطر سینیٹ دے انتخابات توں دستبردار تھی ڳئن ۔فدا محمد خان جنرل نشست اتے قیضارخان میانخیل ٹیکنوکریٹ دی نشست تے امیدوار ہن ۔ پارٹی فیصلے موجب طلحہ محمود جنرل نشست اتے روبینہ خالد تریمت نشست تے امیدوار ہوسن۔
