اسلام آباد۔27مارچ (اے پی پی):سپریم کورٹ صحافیاں کوں ہراساں کرݨ دی درخواست دی سماعت دے موقع تے ایف آئی اے کوں صحافیاں دی گرفتاری توں روکیندے ہوئیں سماعت ݙو اپریل تئیں ملتوی کرݙتی ۔ چیف جسٹس آف پاکستان جسٹس قاضی فائز عیسیٰ دی سربراہی اچ عدالت عظمیٰ دے ترائے رکنی بنچ کیس دی سماعت کیتی۔ پریس ایسوسی ایشن آف سپریم کورٹ دے وکیل بیرسٹر صلاح الدین تفصیلی دلائل ݙتن۔ بعد اچ سپریم کورٹ کیس دی سماعت ݙو اپریل 2024ء تئیں ملتوی کرݙتیتے ایف آئی اے کوں آندی سماعت تئیں صحافیاں دی گرفتاری توں روک ݙتے۔
