اسلام آباد۔27مارچ(اے پی پی):وفاقی وزیر اطلاعات و نشریات عطاءاللہ تارڑ آکھیے جو بشام دا واقعہ افسوسناک اتے پاک چین دوستی کوں نقصان پچاوݨ دی کوشش اے، وزیراعظم واقعہ دی مکمل تحقیقات دی ہدایت کیتی اے، اپݨا اتے اپݨے سنڳتیاں دا تحفظ کرݨ ڄاݨدے ہیں، دہشت گردی مکاوݨ کیتے وفاق دیاں ساریاں اکائیاں ہکے صفحے تے ہین، کہیں کوں پاکستان دے خلاف اپݨی سرزمین استعمال کرݨ دی اجازت نہ ݙتی ویسی، پاک چین دوستی ٹردی راہسی۔ اے ڳالھ انہاں اسلام اباد اچ پی ٹی وی ہیڈ کوارٹرز اچ پریس کانفرنس کریندے آکھی۔ انہاں بشام واقعہ دی مذمت کریندے آکھیے جو پاکستان تے چین چنڳے سنڳتی ہین، ہر اوکھے ویلھے اتے عالمی فورمز تے چین ہمیشہ پاکستان دے نال کھڑے، وزیر اعظم بشام واقعہ دے بعد وزیراعظم چینی سفارتخانے ڳن اتے واقعہ دی مکمل تحقیقات دی ہدایت کریندے پرچاوݨی وی ݙتی اے۔ وفاقی وزیر عطاءاللہ تارڑ آکھیا جو وزیراعظم سیکورٹی سانڳے اعلیٰ سطح اجلاس دی اڳواݨی کیتی اے اتے اجلاس اچ وفاقی وزرا، چیف آف آرمی اسٹاف، چارے صوبیاں دے وزراءاعلیٰ، چیف سیکریٹریز، آئی جیز، گلگت بلتستان دے چیف سیکریٹری اتے آئی جی شرکت کیتی۔
