اسلام آباد۔27مارچ(اے پی پی):وفاقی وزیر منصوبہ بندی و ترقی احسن اقبال وزارت منصوبہ بندی، ترقی و خصوصی اقدامات دے سیکٹر سپیشلسٹ نال ہک کے اہم اجلاس دی اڳواݨی کریندے تکنیکی مہارت استعمال کرݨ تے زور ݙیندے آکھیے جو ماہرین سرکاری شعبہ دے ترقیاتی پروگرام (پی ایس ڈی پی ) دے منصوبیاں دی کامیابی اچ اہم کردار ادا کریندن۔ انہاں سٹرٹیجک سوچ دی قیادت ودھاوݨ، ترقی دے کلیدی شعباں دی تشکیل اتے عالمی بہترین طریقیاں دی پابندی کیتے سیکٹر ماہرین دی اہمیت تے زور ݙیندے آکھیا جو زراعت و ہاؤسنگ ڄھیں ڳھٹ پیداواری شعباں دے چیلنجز منیندے پاکستان کوں پائیدار ترقی تے ٹورݨ کیتے ماہرانہ تحقیق اتے علم دی لوڑھ تے زور ݙتے۔ وفاقی وزیر احسن اقبال پراجیکٹ سانڳے میکرو پلاننگ نال پیچیدہ مائیکرو پلاننگ دی اہمیت ݙسائی۔
