اسلام آباد۔28مارچ (اے پی پی) وزیر مملکت برائے آئی ٹی تے ٹیلی کمیونیکیشن شزہ فاطمہ خواجہ نال پاکستان سافٹ وئیر ہاوسز ایسوسی ایشن (پاشا) دے اعلیٰ سطح دے وفد انہاں دے دفتر اچ ملاقات کیتی۔ پاشا چیئرمین محمد زوہیب خان دی قیادت اچ وفد وزارت آئی ٹی دا قلمدان سنبھالݨ تے شزہ فاطمہ خواجہ کوں مبارخ ݙتی۔ خمیس کوں جاری تھیے بیان موجب وفد نال ڳالھ مہاڑ کریندیں ہوئیں شزہ فاطمہ آکھیا جو حکومت براہ راست سرمایہ کاری اتے آئی ٹی ایکسپورٹ ودھاوݨ کیتے کم کریندی پئی اے۔ نینگراں کوں عالمی معیار دی تربیت اتے روزگار دے موقع ݙیوݨ انڈسٹری دا تعان ٻہوں ضروری اے۔ عالمی کمپنیاں کیتے پاکستانی آئی ٹی ہنرمند بہترین چوائس ثابت تھی سڳدن۔ ملاقات اچ ممبر ٹیلی کام محمد جہانزیب رحیم وی موجود ہن۔ وزیر مملکت برائے آئی ٹی شزہ فاطمہ نال سی ای او نیا ٹیل وہاج سراج وی ملاقات کیتی۔
