پاکستان اچ چینی شہریاں، منصوبیاں اتے اداریاں دے تحفط کوں یقینی ٻݨاوݨ کیتے آپݨے چینی بھراواں نال رَل تے کم کریندے رہسوں، ترجمان دفتر خارجہ

اسلام آباد۔28مارچ  (اے پی پی) پاکستان آکھیا جو او بشام دے نیڑے تھیوݨ آلے دہشت گرد حملے دے بعد چینی حکومت نال رابطے اچ اے جئیں اچ پںج چینی شہریاں دی جاناں دا ضیان تھیا۔ ترجمان دفتر خارجہ ممتاز زہرہ بلوچ خمیس کوں پریس بریفنگ اچ آکھیا جو اساں دہشت گرداں اتے انہاں دے سہولت کاراں کوں انصاف دے کٹہرے اچ ڳھن آوݨ کیتے پرعزم ہن۔ انہاں آکھیا جو پاکستان اچ چینی شہریاں، منصوبیاں اتے اداریاں دے تحفط کوں یقینی ٻݨاوݨ کیتے آپݨے چینی بھراواں نال رَل تے کم کریندے رہسوں۔ ترجمان دفتر خارجہ آکھیا جو اساں رل تے ساری قوتاں دے خلاف پورے عزم نال کاروائی کریسوں اتے انہاں کوں ہریسوںَ