اسلام آباد۔28مارچ(اے پی پی):ڈپٹی سپیکر قومی اسمبلی سیّد غلام مصطفیٰ شاہ پارلیمنٹ لاجز اتے ایم این ایز ہاسٹل دی صفائی ستھرائی دے انتظامات اتے مرمت دے کماں دے دوران کفایت شعاری دی پالیسی تے عمل درآمد اتے معیار کوں یقینی بݨاوݨ تے زور ݙتا ۔ انہاں پارلیمنٹ لاجز اتے ایم این ایز ہاسٹل اچ صفائی ستھرائی اچ غفلت اتے مرمتی کماں اچ ناقص میٹریل دے استعمال تے کاوڑ کیتی ۔ انہاں آکھیے پارلیمنٹ لاجز اتے ایم این ایز ہاسٹل اچ مرمتی کماں اچ پائیداری اتے مضبوطی کوں یقینی بݨایا ونڄے۔ انہاں آکھیے جوعوام دے پیسے کوں ملک تے قوم دے بہترین مفاد اچ استعمال کیتا ونڄے۔ اے ڳالھ انہاں اڄ پارلیمنٹ ہائوس اسلام آباد میں کیپیٹل ڈویلپمنٹ اتھارٹی (سی ڈی اے) دے سینئر افسران نال ملاقات اچ آکھی اے ۔
