اسلام آباد۔28مارچ(اے پی پی) وزیر مملکت آئی ٹی و ٹیلی کمیونیکیشن شزہ فاطمہ خواجہ نال جی ایس ایم اے کنٹری لیڈ ڈیجیٹل ٹرانسفارمیشن سائرہ فیصل انہاں دے دفتر اچ ملاقات کیتی ۔سائرہ فیصل وزیر مملکت آئی ٹی شزہ فاطمہ خواجہ کوں وزارت دی ذمہ واریاں سنبھالݨ تے مبارخ ݙتی ۔ ملاقات اچ ڈیجیٹل ٹرانسفارمیشن، انوویشن اتے سٹارٹ اپس ایکوسسٹم دے حوالے نال ڳالھ مہاڑ تھئی ۔ وزارت انفارمیشن ٹیکنالوجی و ٹیلی کمیونیکیشن توں جاری بیان موجب سائرہ فیصل وزیر مملکت آئی ٹی شزہ فاطمہ کوں جی ایس ایم اے دی ورکنگ اتے مستقبل دے پروگرامز اتے وزارت آئی ٹی نال کوآرڈینیشن تے تفصیلی بریفنگ ݙتی ۔ وزیر مملکت آئی ٹی شزہ فاطمہ آکھیے پاکستان اچ ڈیجیٹلائزیشن دا عمل جاری اے، ڈیجیٹل منتقلی دے ذریعے ملک ترقی دے رستے ٹر سڳدے۔
