اسلام آباد۔28مارچ (اے پی پی) ترجمان دفتر خارجہ ممتاز زہرہ بلوچ آکھیے فلسطین اچ وختی جنگ بندی دا مطالبہ کرݨ آلی اقوام متحدہ دی سلامتی کونسل دی قرارداد دی منظوری کوں ترائے ݙینھ تھی ڳئن تاں جو ایندے باوجود غزہ دے عوام تے اسرائیل دی مسلط کیتی ڳئی جنگ بلا روک ٹوک جاری اے ، فلسطینی عوام کوں بھک اتے نسل کشی دا سامݨا اے۔ ترجمان پریس بریفنگ اچ آکھیے جو اساں اسرائیل دے حامیاں توں مطالبہ کریندوں جو او اسرائیل تے زور ݙیون جو او فلسطینی عوام دا قتل عام بند، غیر انسانی محاصرہ ختم اتے غزہ دے سارے حصیں اچ انسانی امداد دی اجازت ݙیوے۔ انہاں آکھیے عالمی برادری کوں مسئلہ فلسطین دے منصفانہ اتے پائیدار حل اتے جون 1967 توں پہلے دی سرحداں دے مطابق القدس الشریف دے دارالحکومت نال ھک آزاد، قابل عمل، خودمختار تے متصل فلسطینی ریاست دے قیام سانڳے آپݨیاں کوششاں اچ مزید ودھارا کرݨ چاہیدے۔
