اسلام آباد۔28مارچ(اے پی پی)وفاقی وزیر قانون اعظم نذیر تارڑ آکھیے جو وفاقی حکومت اسلام آباد ہائیکورٹ دے ججز دے خط تے انکوائری کمیشن ٻݨیسی، ایں معاملے تے وزیر اعظم صبحائیں کابینہ اجلاس اچ پالیسی ٻݨیسن۔ اے ڳالھ انہاں اسلام آباد اچ اٹارنی جنرل منصورعثمان اعوان نال نیوز کانفرنس اچ آکجھی۔ انہاں آکھیا جو وزیراعظم اڄ میں کہا کہ آج چیف جسٹس نال ملین جیندے اچ وزیر قانون اتے اٹارنی جنرل وی موجود ہن۔ اعظم نذیر تارڑ آکھیے جو وزیراعظم عدلیہ دی آزادی تے کوئی سمڄھوتہ نا کرݨ دا عزم دوہرائے، ججز معاملے دی چھان بین تھیوݨی چاہیدی اے، کابینہ اجلاس اچ کمیشن آف انکوائری دے تحت کمیشن اپوائنٹ کیتا ویسی، کہیں ریٹائرڈ چنڳے نامی جج کوں انکوائری دا آکھیا ویسی، کمیشن دے ٹی او آر مشاورت نال اٹارنی جنرل طے کریسن، سپریم کورٹ دے سینئرترین ریٹائرڈ جج دے ناواں تے غور تے بعد کمیشن ٻݨایا ویسی، کڄھ ݙینھ اچ کمیشن دے سربراہ دا اعلان کر ݙتا ویسی۔ انہاں آکھیا جو ملک اچ قانون اتے نظام موجود اے، اینڄھے معاملات دی تحقیقات وفاقی حکومت کرویندی اے، “ججز دا خط، مس کنڈکٹ” بارے وزیرقانون ہووݨ سانڳے ایں سوال دا ولدا نا ݙیسوں، ایندا ولدا وی کمیشن توں ہی آوݨا چاہیدے، ڄیکر ڳالھیں سچیاں ہین تاں تحقیقات تھیوݨیاں چاہیدن، ڄیکر کوڑ نکلیا تاں ول کیا تھیسی؟ اے معاملہ ٻہوں سنجیدہ اے۔
