اسلام آباد۔28مارچ(اے پی پی)صدر مملکت آصف علی زرداری ملک دے جیمز اینڈ جیولری سیکٹر دی ترقی تے توجہ ݙیوݨ تے زور ݙیندے آکھیے جو ویلیو ایڈڈ مصنوعات دی برآمد نال قیمتی زرمبادلہ کماوݨ اچ مدد مل سڳدی اے۔ او اسلام آباد اچ جیمز اینڈ جیولری سیکٹر دی ترقی سانڳے ایوان صدر اچ تھیوݨ آلے اجلاس نال الیندے پئے ہن۔ پاکستان جیمز اینڈ جیولری ڈویلپمنٹ کمپنی (پی جی جے ڈی سی) دے چیف ایگزیکٹو آفیسر محمد عالمگیر چوہدری اتے سینئر سرکاری افسران اجلاس اچ شرکت کیتی۔ صدر آکھیے جو عالمی جواہرات و زیورات دی مارکیٹ اچ ونڄݨ کیتے پاکستان دی قیمتی پتھراں دی مصنوعات دی بہتر مارکیٹنگ اتے تشہیر دی لوڑھ اے، جیمز اتے جیولری اچ سرمایہ کاری کیتے غیر ملکی کمپنیاں دی حوصلہ افزائی کرݨی ہوسی۔ پی جی جے ڈی سی دے سی ای او اجلاس کوں جیمز اینڈ جیولری سیکٹر دی ترقی کیتے سٹرٹیجک پلان دا ݙسایا۔
