اسلام آباد۔28مارچ(اے پی پی)وفاقی وزیر داخلہ محسن نقوی آکھیے جو ملک دشمن عناصر بزدلانہ کارروائیاں نال قوم دا عزم نئیں ݙھوا سڳدے، پوری طاقت نال ملک دشمناں کوں ولدا ݙیسوں، دہشتگردی دے خلاف جنگ پاکستان دی بقاء دی جنگ اے۔ او وزیر اعلی ہائوس پشاور اچ اعلیٰ سطح اجلاس نال خطاب کریندے پئے ہن۔ ایں توں پہلے وزیرداخلہ محسن نقوی وزیر اعلیٰ ہائوس پشاور اچ وزیراعلیٰ خیبرپختونخوا علی امین گنڈا پور نال وی ملین اتے انہاں نال صوبے اچ امن و امان اتے سکیورٹی صورتحال تے الایا اتے دہشتگردی مکاوݨ کیتے کٹھیاں کوششاں کرݨ تے اتفاق کیتے۔ انہاں دہشتگرداں دے خلاف انٹیلی جنس بیسڈ آپریشن ٻیا تیکھا کرݨ دا فیصلہ کیتے۔ وفاقی وزیرداخلہ اتے وزیر اعلیٰ خیبرپختونخوا خود کش حملے اچ چینی شہریاں دی ہلاکت تے افسوس کریندے چینی حکومت، عوام اتے مرݨ آلے چینی شہریاں دے خانداناں نال مکمل یکجہتی کیتی۔ وفاقی وزیر داخلہ محسن نقوی دہشتگردی نال نمٹݨ کیتے موثر کوآرڈینیشن دی ہدایت ݙیندے آکھیے جو خیبرپختونخوا نال پورا ہتھ ونݙایا ویسی۔
