پشاور۔ 28 مارچ (اے پی پی):وفاقی وزیر داخلہ محسن نقوی پشاور دے دورے اچ سی ٹی ڈی ہیڈ کوارٹر وی ڳن اتے ڈیٹا سنٹر۔ کرائم سین یونٹ۔ سی آئی اے یونٹ اتے ٻعے شعبے ݙٹھن۔ وفاقی وزیر داخلہ محسن نقوی سی ٹی ڈی ہیڈ کوارٹر اچ اجلاس دی وی اڳواݨی کیتی۔ نیکٹا دے سربراہ رائے طاہر۔ انسپکٹرجنرل پولیس اختر حیات گنڈاپور اتے سی ٹی ڈی حکام اجلاس اچ شرکت کیتی۔ سی ٹی ڈی خیبرپختونخوا دے سربراہ ایڈیشنل آئی جی شوکت عباس ادارے دی کارکردگی تے بریفنگ ݙتی۔ وفاقی وزیر داخلہ محسن نقوی سی ٹی ڈی خیبرپختونخوا دی استعدادکار ودھاوݨ دا اعلان کریندے آکھیے جو سی ٹی ڈی خیبرپختونخوا کوں ضروری ڈیٹا تئیں رسائی، سائبر سیل کوں وسعت سودھا پورا ہتھ ونݙیسوں، ڈیٹا شئیرنگ دا موثر میکنزم ٻݨایا ویسی۔ اجلاس اچ آئی جی خیبرپختونخوا وفاقی وزیرداخلہ محسن نقوی کوں دہشتگرداں دے خلاف آپریشن بارے بریفنگ ݙتی۔
