اسلام آباد۔28مارچ(اے پی پی)وزیر اعظم محمد شہباز شریف سختی نال ہدایت کیتی اے جو اینڄھے افسران جیڑھے بجلی چوری اتے سہولت کاری اچ ملوث ہین انہاں دے خلاف فوری تادیبی کارروائی شروع کیتی ونڄے، لائن لاسز اچ کمی اتے ٹرانسمیشن لائنز دی اپ گریڈیشن بارے تیکھے حکمت عملی ترتیب ݙتی ونڄے ڄݙاں جو ٹرانسفارمرز اتے سمارٹ میٹرز لاوݨ دے منصوبے تے پبلک سیکٹر ڈویلپمنٹ پروگرام دے تحت کم دی شروعات اتے ودھ نقصان اچ ونڄݨ آلے فیڈرز تے فیڈر مانیٹرز لاوں دا فیصلہ کیتا گئے۔ وزیر اعظم محمد شہباز شریف دی زیرِ صدارت بجلی چوری روکݨ کیتے اہم جائزہ اجلاس تھئے جیندے اچ وفاقی وزیر پاور اویس احمد لغاری، وفاقی وزیر اقتصادی امور احد خان چیمہ، وفاقی وزیر قانون و انصاف اعظم نذیر تارڑ، وفاقی وزیر صنعت و پیداوار رانا تنویر حسین، وفاقی وزیر اطلاعات و نشریات عطاء اللہ تارڑ، وزیر پٹرولیم مصدق ملک اتے متعلقہ اعلیٰ سرکاری افسران شرکت کیتی۔ وزیراعظم آکھیے جو بجلی چوری روکݨ دے اقدامات ترجیح اے تاں جو ہک مستحکم نظام ٻݨائوں۔
