کراچی۔29مارچ (اے پی پی):وفاقی وزیرخزانہ ومحصولات محمد اورنگزیب آکھیے جو اقتصادی اشاریں اچ بہتری نال 2024 اچ بہتراندازاچ معیشت دا آغاز تھئے،وزارت خزانہ چھوٹے اتے درمیانے درجے دے کاروباری اداریں سانڳے سرمائے تئیں رسائی کوں سوکھا بݨاوݨ سانڳے کیپٹل مارکیٹ نال رل تے کم کریسی ، پاکستان سٹاک ایکسچینج تے چینی ایکسچینجز وچال ودھدا ہویا تعاون پاکستان دی اقتصادی ترقی اتے ݙوہیں ملکاں دے سانجھے مفاد سانڳے اہم اے۔ انہاں اے ڳالھ جمعہ کوں پاکستان سٹاک ایکسچینج دے دورے تے’’ گونگ‘‘ (گھنٹی وڄا تے سٹاک ایکسچینج اچ کاروبار شروع کرݨ دی )تقریب توں خطاب کریندے ہوئیں آکھی اے ۔ وزیرخزانہ آکھیے جو اہم اقتصادی اشاریں اچ بہتری نال 2024 اچ معیشت دا آغاز بہتر انداز وچ تھئے ۔ انہاں آکھیے جو وزارت خزانہ وزارت قانون اتے ایف بی آر نال رل تے ٹیکس ریونیو اچ تھیوݨ آلی لیکیج کوں دور کرݨ تے ودھ توں ودھ لوکاں کوں ٹیکس نیٹ اچ گھن آوݨ سانڳے کم کریندی پئی اے ۔ وفاقی وزیر آئی ایم ایف دے جائزے دی تکمیل اتے آئی ایم ایف نال مستقبل اچ رابطے دی امکان توں وی ݙسیندے ہوئیں آکھیے جو سرکاری ملکیتی اداریں ، نجکاری اتے توانائی سودھے ٹیکس دے شعبہ اچ کم تھیندا پئے ۔ وزیر خزانہ اقتصادی ترقی اچ نجی شعبے دے کردار دی اہمیت تے وی زور ݙتا تے آکھیے جو نجی شعبہ ملکی معیشت اچ کلیدی اہمیت رکھیندے ۔ وزیر خزانہ معاشی ترقی کوں اڳوں ودھاوݨ اچ کیپٹل مارکیٹس دی اہمیت کوں چنڳاں اکھیندے آکھیے جو حکومت سیکورٹیز اینڈایکسچینج کمیشن تے ایس آراوز نال رل تے کیپٹل مارکیٹ اچ کم کریسی تاں جو معاشی ترقی سانڳے سازگار ریگولیٹری ماحول بݨایا ونڄ سڳے ۔وزیرخزانہ آکھیے جو پاکستان سٹاک ایکسچینج اچ اتے چینی ایکسچینجز وچال ودھدا تعاون پاکستان دی اقتصادی ترقی اتے ݙوہیں ملکاں دے سانجھے مفاد سانڳے اہم اے۔
