اسلام آباد۔29مارچ (اے پی پی):وفاقی وزیر داخلہ محسن نقوی آکھیے جو قوم کوں یقین ݙویندوں امن سانڳے چھیکڑی حد تئیں ویسوں۔ دہشت گرداں تے انہاں دے سہولت کاراں کوں وطن عزیز اچ لکݨ دی کوئی جاہ نہ ملسی ۔ او پشاوراچ فرنٹیئر کانسٹیبلری (ایف سی) ہیڈ کوارٹر اچ اعلی سطحی اجلاس توں خطاب کریندے پئے ہن۔ ایف سی ہیڈکوارٹرز پڄݨ تے کمانڈنٹ ایف سی معظم جاہ انصاری وفاقی وزیرداخلہ محسن نقوی دا خیر مقدم کیتے۔وفاقی وزیر داخلہ محسن نقوی دا ایف سی دے افسران نال تعارف کرایا ڳئے۔وفاقی وزیرداخلہ محسن نقوی ایف سی ہیڈ کوارٹر اچ یادگار شہدا تے حاضری ݙتی۔انہاں یادگار شہدا تے پھل رکھیے تے فاتحہ خوانی کیتی۔وفاقی وزیرداخلہ محسن نقوی شہدا دے ثواب سانڳے دوا کیتی ۔وفاقی وزیرداخلہ محسن نقوی ایف سی دے شہدا کوں زبردست الفاظ اچ خراج عقیدت پیش کریندے ہوئیں آکھیے جو ایف سی دے بہادر جواناں قیام امن سانڳے کلیدی کردار ادا کیتے۔ وفاقی وزیرداخلہ محسن نقوی دی صدارت اچ ایف سی ہیڈ کوارٹر اچ اجلاس وی منعقد تھیا۔وزیرداخلہ آکھیے جو ایف سی کوں مزید موثر فورس بݨایا ویسی ۔ ایف سی ہیڈ کوارٹر وختی ھک واری ول امساں ۔ انہاں آکھیے دشمن امن کوں سبوتاژ کرݨ دی سازش کریندا پئے ۔ اتحاد دی قوت نال ایں سازش کوں ناکام بݨیسوں ۔ انہاں آکھیے جو قائد اعظم دے پاکستان اچ دہشتگردی دی کوئی گنجائش کائنی
