اسلام آباد۔29مارچ (اے پی پی) امریکی صدر جو بائیڈن دا وزیراعظم شہبازشریف کوں خط ، وزارت عظمیٰ دا منصب سنبھالݨ تے نویں حکومت کیتے نیک تمناواں دا اظہار کیتا۔ وزیراعظم آفس دے میڈیا ونگ توں جاری بیان موجب امریکی صدر خط اچ آکھیا جو ݙوہیں ملکاں دی عوام وچال سانجھے داری دنیا اتے اساݙے عوام دی سلامتی یقینی ٻݨاوݨ کیتے ٻہوں اہم اے۔ دنیا اتے خطے اہم ترین چیلنجز دا سامھا کرݨ کیتے امریکا پاکستان نال کھڑا رہسی۔ امریکہ پاکستان گرین الائنس فریم ورک نال ماحولیاتی بہتری کیتے آپݨے اتحاد کوں ٻیا مضبوط ٻݨیسوں۔ امریکی صدر آکھیا جو پائیدار زرعی ترقی، آبی انتظام اتے 2022 دے تباہ کن چھل دے اثرات نال بحالی اچ پاکستان نال تعاون کریندے رہسوں۔
