اسلام آباد۔29مارچ(اے پی پی):صدر مملکت آصف علی زرداری پاکستان اتے ایران دے باہمی فائدے کیتے بارٹر تجارتی و اقتصادی تعلقات ودھاوݨ تے زور ݙیندے آکھیے جو ݙوہیں ملک مختلف شعبیاں اچ اقتصادی تعاون ودھا سڳدن۔ او ایوان صدر اسلام آباد اچ ایران دے سفیر ڈاکٹر رضا امیری مقدم نال ملݨ ویلھے الیندے پئے ہن۔ انہاں ݙوطرفہ تعلقات، مشترکہ چیلنجاں تے قابو پاوݨ، تجارتی حجم، بینکنگ تعاون اتے فضائی و کاروباری روابط ودھاوݨ تے الائے۔ ایرانی سفیر چاہ بہار-زاہدان ریل روڈ توں وسطی ایشیا، یورپ و ترکی نال تجارت کیتے پاکستان کوں فیدہ چاوݨ دی پیشکش کیتی۔ انہاں ایرانی صدر ڈاکٹر سید ابراہیم رئیسی ولوں صدر پاکستان کوں مبارک وی پچائی۔
