اسلام آباد۔29مارچ(اے پی پی):صدر مملکت آصف علی زرداری آکھیے جو پاکستان اپݨے فلسطینی ٻھراواں دے نال کھڑے اتے انہاں کتیے الیندا رہسی۔ او ایوان صدر اسلام آباد اچ فلسطین دے سفیر احمد جواد ربیع نال ملݨ ویلھے الیندے پئے ہن۔ فلسطینی سفیر صدر زرداری کوں منصب سنٻھالݨ تے مبارک ݙتی اتے غزہ دی پٹی اچ بے گناہ فلسطینیاں تے اسرائیلی فوج دے مظالم اتے دہشت گردی دا ݙسایا۔ صدر مملکت فلسطینی عوام دی بہادری اتے اسرائیلی قبضے دے خلاف وݙی جدوجہد کوں سلام کریندے آکھیے جو عالمی برادری سارے رکاوٹاں ہٹا تے غزہ دی پٹی اچ فلسطینی شہریاں دے تحفظ کیتے کردار ادا کرے اتے غزہ اچ انسانی امداد دی آزادانہ ترسیل کیتے کوششاں کرن۔ انہاں اکھیا جو پاکستان فلسطینی عوام کیتے خوراک و ادویات سودھا اضافی امدادی سامان بھیجیسی۔
