ملکی معیشت دی بحالی دا 5 سالہ روڈ میپ ݙے ݙتے، وزیر اعظم دا کابینہ اجلاس نال خطاب

لاہور۔30مارچ(اے پی پی)وزیر اعظم محمد شہباز شریف آکھیے جو ملکی معیشت دی بحالی دا 5 سالہ روڈ میپ ݙے ݙتے، معیشت دا پھیتا چلسی تاں ملک خوشحال تہیسی، سرکاری اخراجات ڳھٹاوݨ اتے برآمدات ودھاوݨ تے توجہ ݙتی ویسی، ذمہ داری چاتے بغیر کوئی وی نظام نئیں چل سڳدا، ساریاں وزارتاں دے نال رل تے کم کریسوں، ملک اچ دہشتگردی کوں ولا سر پٹݨ دی اجازت نا ݙتی ویسی، او لاہور اچ وفاقی کابینہ اجلاس دی اڳواݨی کریندے پئے ہن، اجلاس نال خطاب اچ انہاں آکھیا جو بشام واقعہ افسوسناک اے، ایں اوکھے ویلھے پاکستان چین دے نال کھڑے، خود کفالت کیتے غیر ملکی قرضیاں دا ٻھار ڳھٹاوݨ، جی ڈی پی ودھاوݨ اتے روزگار دے مواقع کیتے اقدامات کرݨے ہوسن، زراعت و آئی ٹی اچ ترقی ، توانائی سانڳے اصلاحات اتے اسمگلنگ مکاوݨی ہوسی۔ انہان آکھیا جو معاشی استحکام توڑ پچیسوں، ویلھا ونڄائے بغیر ملکی ترقی کیتے ݙینھ رات محنت کریسوں، ساریاںو زارتاں کوں اہداف سانڳے مراسلے جاری کر ݙتے ڳن اتے میں آپ ہر وزارت دی کارکردگی دا جائزہ ڳھنساں۔