اسلام آباد۔ 01 اپریل (اے پی پی):وفاقی وزیر قانون سینیٹر اعظم نذیر تارڑ آکھیے جو انکوائری کمیشن دی تشکیل اتے سابق چیف جسٹس پاکستان جسٹس تصدق حسین جیلانی کوں سربراہ مقرر کرݨ تے پورے ملک دیاں منتخب وکلاء تنظیماں دی طرفوں اعتماد دے اظہار کوں چںڳاں آکھئے۔انہاں آکھیے جو خیبر پختونخوا ، پنجاب اتے اسلام آباد بار کونسل وی کمیشن اتے جسٹس تصدیق جیلانی دی تقرری تے اعتماد دا …
پورے ملک دیاں منتخب وکلاء تنظیماں دی طرفوں اعتماد دا اظہار خوش آئند اے، وزیر قانون اعظم نزیر تارڑ
اسلام آباد۔ 01 اپریل (اے پی پی):وفاقی وزیر قانون سینیٹر اعظم نذیر تارڑ آکھیے جو انکوائری کمیشن دی تشکیل اتے سابق چیف جسٹس پاکستان جسٹس تصدق حسین جیلانی کوں سربراہ مقرر کرݨ تے پورے ملک دیاں منتخب وکلاء تنظیماں دی طرفوں اعتماد دے اظہار کوں چںڳاں آکھئے۔انہاں آکھیے جو خیبر پختونخوا ، پنجاب اتے اسلام آباد بار کونسل وی کمیشن اتے جسٹس تصدیق جیلانی دی تقرری تے اعتماد دا اظہار کیتے۔ وزیر قانون آکھیے حکومت چاہندی اے جو سچائی قوم دے سامݨے آوے تاں جو مستقبل اچ ایجھھی کوئی شکایت نہ آوے۔ انہاں آکھیے وزیر اعظم دی قیادت اچ حکومت اتے کابینہ عدلیہ دی آزادی اتے دستور اچ طے کیتے ڳئے ریاستی اختیارات دی ونڈ اے اصول دی قائل اے۔ انہاں آکھیے عدلیہ دی آزادی اتے معزز چھی جج صاحبان دے خط تے سیاست نی ہووݨی چاہیدی ۔ پورے ملک دی منتخب وکلاء تنظیماں معاملے دی سنگینی کوں سنجیدگی نال ڳھدے تے سیاست توں ھک پاسے رکھیے۔
