سی پیک کوں متاثرکرݨ دی ہرگزاجازت نہ ݙیسوں ،احسن اقبال

اسلام آباد۔1اپریل (اے پی پی) وفاقی وزیر منصوبہ بندی ، ترقی ، اصلاحات و خصوصی اقدامات احسن اقبال آکھیے جو کہیں دشمن کوں سی پیک کوں متاثرکرݨ دی ہرگزاجازت نہ ݙیسوں ۔  سی پیک دے حوالے نال آپݨے انٹرویو اچ وفاقی وزیر آکھیے جو جیڑھے چینی بھیݨ بھرا پاکستان اچ   ترقیاتی منصوبیں تے کم کریندے پئن او ساݙے مہمان ہن ۔ انہاں آکھیے جو حکومت اپݨے شہریاں کوں جیڑھا تحفظ ݙیندی اے ایندے توں کئی گناہ ودھ وسائل اتے تحفظ اپݨے چینی بھیݨ بھراویں کوں ݙیندی اے ۔ پروفیسر احسن اقبال آکھیے جو سی پیک دے دشمن سی پیک تے حملہ کرݨ دی کوشش کریندے رہسن لیکن پاکستان اتت چین دے عزم اچ کوئی کمی نہ آسی ۔ انہاں آکھیے جو سی پیک دے تحت پنج نویں کوریڈور ز بݨائے ویسن جنہاں اچ پاکستان دی معیشت اچ نمو سانڳے ایجھے منصوبے شروع کیتے ویسن جنہاں توں روزگار دے مواقع بݨسن، ٹیکنالوجی اتے جدت کوں بنیاد بݨیندے ہوئیں ڈیجیٹل دور دے تقاضیں توں ملک کوں ہم آہنگ کیتا ویسی۔ ایندے نال نال کوریڈور آف گرین انرجی اتے  کوریڈور آف ریجنل ڈویلپمنٹ بݨائے ویسن۔ وفاقی وزیر احسن اقبال آکھیے جو حکومت ایران نال ٹرانسمشن لائن  منصوبے کوں مکمل کرائے۔ مکران کوسٹ پہلی واری نیشنل گرڈ نال جڑی اے ۔ پاݨی دے جاری منصوبیں تے کم 6 مہینے اچ مکمل کیتے ۔ 4 سال گزریل حکومت گوادر پورٹ کوں صاف نہ کرایا ہئی جیں توں وݙے جہاز لنگر انداز نہ تھی سڳدے ہن ، 16 مہینے اچ ول ایں تے ڈی سلٹنگ شروع کرائیِ جیڑھی جو ہݨ مکمل تھی چکی اے تے ہݨ گوادر ول گہری بندگاہ بݨ ویسی۔ انہاں اقدامات پاروں چینی قیادت دا پاکستان تے اعتماد بحال تھئے تے 10 سالہ سی پیک دی تقریبات تے پاکستان اچ 5 نویں کوریڈور بݨاوݨ تے ڳالھ تھئی اے ۔ اے سارے منصوبے 2018 تئیں مکمل کرݙتے ڳئے ہن ۔2020 توں 2025  دے درمیان دا عرصہ صنعتی تعاون تے مبنی ہئی۔