سینیٹ دیاں 30 خالی نشستاں تے چݨائو 2 اپریل کوں تھیسی

اسلام آباد۔1اپریل(اے پی پی) سینیٹ دیاں 30 خالی نشستاں تے چݨائو 2 اپریل کوں تھیسی۔ الیکشن کمیشن سینٹ دیاں 48 خالی نشستاں تے انتخابات کیتے الیکشن پروگرام دا نوٹیفکیشن 14 مارچ 2024ء کوں جاری کیتا ہا جیندے مطابق سینٹ دی 29 جنرل، 8 خواتین، 9 ٹیکنو کریٹ /علماء اتے 2 غیر مسلم نشستاں تے انتخاب 2 اپریل 2024 کوں تھیوݨے۔ ایندے کیتے کل 147 امیدواراں کاغذات نامزدگی جمع کرائن۔ امیدواراں دی حتمی لسٹ دے مطابق 18 امیدواران بلا مقابلہ منتخب تھین جیندے اچ پنجاب دی 7 جنرل نشستاں، بلوچستان دی 7 جنرل نشستاں، 2 خواتین اتے 2 ٹیکنوکریٹ/ علماء دی نشستاں شامل ہین۔ ہݨ 2 اپریل 2024ء کوں سینٹ دی 30 نشستوں تے انتخاب تھیسی جیندے اچ فیڈرل کیپٹل ہک جنرل، ہک ٹیکنو کریٹ، پنجاب دی 2 خواتین، 2 ٹیکنو کریٹ /علماء ، ہک غیر مسلم، سندھ دی 7 جنرل، 2 خواتین ،2 ٹیکنو کریٹ /علماء، ہک غیر مسلم، خیبر پختو نخوا دی 7 جنرل، 2 خواتین اتے 2 ٹیکنو کریٹ دیاں نشستاں شامل ہین اتے انہاں تے 59 امیدواران مد مقابل ہین۔