صوبائی حکومت  امن و امان کوں بہتر بݨاوݨ سانڳے سخت اقدامات کریندی پئی اے ، وزیر اعلیٰ سندھ

کراچی۔ 02 اپریل (اے پی پی):وزیر اعلیٰ سندھ سید مراد علی شاہ آکھیے جو انہاں دی حکومت صوبے اچ امن و امان کوں بہتر بݨاوݨ سانڳے سخت اقدامات کریندی پئی اے ،انھاں اقدامات اچ کراچی اچ سٹریٹ کرائم اتے کچے دے علاقے اچ اغوا برائے تاوان دی وارداتاں  دا خاتمہ شامل ہن۔جاری اعلامیہ موجب اے ڳالھ انہاں منڳل کوں سندھ اسمبلی اچ میڈیا نال ڳالھ مہاڑ کریندے ہوئیں آکھی اے جھتاں او سینیٹ الیکشن اچ ووٹ کاسٹ کرݨ پڄے ہن ۔ انہاں وی وی منیے جو انہاں دے گزریل دور حکومت اچ امن و امان دی صورت حال تسلی بخش نہ ہئی تے نگران حکومت دے دوران اے مزید وڳڑ ڳئی، تاں جو انہاں دی حکومت صورتحال کوں بہتر بݨاوݨ سانڳے پرعزم اے تے ایں مقصد سانڳے اقدامات کریندی پئی اے ۔