اسلام آباد۔2اپریل(اے پی پی) وزیرِاعظم محمد شہباز شریف آکھیے گلگت بلتستان دے لوکاں دی ترقی ، انہاں کوں صحت تے تعلیم دیاں سہولتاں ݙیوݨ حکومت دی اولین ترجیح اے۔وزیراعظم آفس دے میڈیا ونگ توں جاری بیان موجب منڳل کوں وزیراعظم محمد شہبازشریف وزیرِ اعلی گلگت بلتستان گلبر خان ملاقات کیتی۔ ایں موقع تے وزیرِ قانون و انصاف اعظم نذیر تارڑ، وزیرِ اقتصادی امور احد خان چیمہ اتے متعلقہ اعلی …
گلگت بلتستان دے لوکاں دی ترقی، انہاں کوں صحت تے تعلیم دیاں سہولتاں ݙیوݨ حکومت دی اولین ترجیح اے،وزیراعظم شہباز شریف
اسلام آباد۔2اپریل(اے پی پی) وزیرِاعظم محمد شہباز شریف آکھیے گلگت بلتستان دے لوکاں دی ترقی ، انہاں کوں صحت تے تعلیم دیاں سہولتاں ݙیوݨ حکومت دی اولین ترجیح اے۔وزیراعظم آفس دے میڈیا ونگ توں جاری بیان موجب منڳل کوں وزیراعظم محمد شہبازشریف وزیرِ اعلی گلگت بلتستان گلبر خان ملاقات کیتی۔ ایں موقع تے وزیرِ قانون و انصاف اعظم نذیر تارڑ، وزیرِ اقتصادی امور احد خان چیمہ اتے متعلقہ اعلی حکام وی موجود ہن۔ اجلاس اچ گلگت بلتستان اچ تعلیم، صحت تے سیاحت دے شعبے دی ترقی دے حوالے نال تفصیلی ڳالھ مہاڑ تھئی، اجلاس کوں گلگت بلتستان اچ وفاقی حکومت دی طرفوں عطاآباد اتے ہارپو اچ پن بجلی دے ݙو منصوبیں تے جاری کم دی پیشرفت دا ݙسایا ڳئے۔ اجلاس کوں ݙسایا ڳئے جو انہاں منصوبیں دی تکمیل توں گلگت بلتستان اچ بجلی دی بلا تعطل فراہمی یقینی بݨائی ونڄ سڳسی ۔ وزیرِ اعظم کوں ݙسایا ڳئے جو نلتر ایکپریس وے دی تعمیر دا کم مکمل تھی ڳئے جیڑھا جوعلاقے دی ترقی اتے خوشحالی اچ کلیدی کردار ادا کریسی ۔ وزیرِ اعظم گلگت بلتستان اچ سیاحت دی ترقی اتے شمشی توانائی دے منصوبیں دے حوالے نال لائحہ عمل بݨا تے پیش کرݨ دی ہدایت کیتی ۔
