آپݨی حکومت اچ ججاں دے خلاف ریفرنس ٻݨاوݨ آلے صلاحیں نا ݙیون، اساں آئین تے عمل کریسوں، وفاقی وزیر قانون اعظم نذیر تارڑ

 

اسلام آباد۔2اپریل(اے پی پی):وفاقی وزیر قانون و انصاف سینیٹر اعظم نذیر تارڑ پی ٹی آئی رہنما بیرسٹر گوہر دے بیان تے اپݨے ولدے اچ آکھیے جو آپݨی حکومت اچ ججاں دے خلاف ریفرنس ٻݨاوݨ آلے صلاحیں نا ݙیون، اساں آئین تے عمل کریسوں۔ وفاقی وزیر آکھیا جو ججاں دے معاملہ تے پی ٹی آئی اتے ایندے بانی دے بیانات سپریم کورٹ دے از خود نوٹس کوں سیاست دی نظر کرݨ دی مذموم کوشش اے، بیرسٹر گوہر کوں پتا ہووݨا چاہیدے جو آئین دے آرٹیکل 184 (3) دے تحت بنچ ٻݨایا ڳئے، فل کورٹ ہی تحقیقات دا آکھیا ہا، چیف جسٹس اتے سینئر ججز دی کمیٹی دی صوابدید اے جو او کہیں معاملے تے کیہڑا بینچ ٻݨیدن۔ وفاقی وزیر آکھیے جو عدلیہ دی آزادی بارے اہم معاملہ تے سیاست نہ کرݨ ہی ملک اتے عدلیہ کیتے چنڳاں ہوسی۔