سرمایہ کاراں کوں ہر ممکن سہولتاں ݙیسوں ،وزیراعظم

اسلام آباد۔3اپریل(اے پی پی):وزیراعظم محمد شہباز شریف دی صدارت اچ اسلام آباد اچ تھیوݨ آلے اجلاس کوں ٻاہرلی سرمایہ کاری اچ ودھارے متعلق اقدامات تے بریفنگ ݙتی ڳئی۔شرکاء خصوصی سرمایہ کاری سہولت کونسل دے تحت خلیجی ملکاں نال معاہدیں تے مفاہمتی یادداشتاں تے پیش رفت دا جائزہ ڳھدا ۔اجلاس توں خطاب کریندے ہوئیں وزیراعظم آکھیے جو چیلنجز کوں مواقع اچ بدلݨ سانڳےغیر ملکی سرمایہ کاری دا ودھارا ساݙی اولین ترجیح اے ۔ سرمایہ کاراں کوں ہر ممکن سہولتاں ݙیسوں ۔ ایں مقصد سانڳے وفاقی وزارتاں اچ جدت اتے تحقیق سانڳے خصوصی سیل بݨائے ویسن ۔ انہاں آکھیے جو جخصوصی سہولت کونسل دے قیام نال  سرمایہ کاراں دا اعتماد بحال کرݨ اچ مدد ملی اے ۔محمد شہباز شریف ہدایت کیتی اے جو ایجھے منصوبے جیڑھے سرمایہ کاراں کوں راغب کرݨ دا زیادہ استعداد رکھیندن تے انہاں دی فزیبیلٹی سٹڈی کرائی ونڄے تے ایں حوالے نال عالمی شہرت دے حامل ماہرین دی خدمات ڳھدیاں ویسن ۔سرمایہ کاری کیتے جیڑھے جو منصوبے پیش کیتے ونڄن انہاں تے کوئی سمجھوتہ نہ کیتا ونڄے ۔وزیراعظم آکھیے جو خلیجی ملکاں دے نال مفاہمتی یادداشتاں تے پیش رفت سانڳے متعلقہ وزارتاں اپݨےرابطے اچ مزید بہتری گھن آسن ۔خلیجی ملکاں توں توانائی ، آئل ریفائننگ، کان کنی، غذائی تحفظ ، بینکنگ اینڈ فنانشل سروسز ، لاجسٹکس ، واٹر سپلائی اتے ویسٹ مینجمنٹ دے شعبیں اچ وݙی سرمایہ کاری متوقع اے۔