وزیر اعظم شہباز شریف 5 وفاقی وزراء کوں مختلف وزارتاں دے ودھیکی قلمدان سونپ ݙتے، 3 نویں کوآرڈینیٹر تعینات

اسلام آباد۔3اپریل  (اے پی پی) وزیر اعظم شہباز شریف 5 وفاقی وزراء کوں مختلف وزارتاں دے ودھیکی قلمدان سونپ ݙتے، 3 نویں کوآرڈینیٹر تعینات کر ݙتے۔ کابینہ ڈویژن توں جاری نوٹیفکیشن دے مطابق وزیراعظم شہباز شریف آپݨے خصوصی اختیارات استعمال کریندیں ہوئیں وفاقی وزیر اوورسیز پاکستانیز چوہدری سالک حسین کوں وزارت مذہبی امور دا ودھیکی قلمدان ݙتا۔ وفاقی وزیر نجکاری عبدالعلیم خان کوں وزارت مواصلات دی ودھیکی ذمہ واری ݙتی۔ وفاقی وزیر صنعت تے پیدوار رانا تنویر حسین  کوں وزارت غذائی تحفظ و تحقیق ، وفاقی وزیر منصوبہ بندی،ترقی تے اصلاحات احسن اقبال کوں وزارت بین الصوبائی رابطہ دا ودھیکی قلمدان ݙتا۔ وفاقی وزیر پیٹرولیم مصدق ملک کوں وزارت آبی وسائل دا ودھیکی چارج مل ڳئے۔ کابینہ ڈویژن دے نوٹیفکیشن دے مطابق وزیر اعظم شہباز شریف ترائے نویں کوآرڈینیٹر مقرر کر ݙتن جئیں اچ رانا احسان افضل،رومینہ خورشید عالم ماحولیاتی تبدیلی اتےشبیر احمد عثمانی امور کشمیر تے گلگت بلتستان وزارت دا کوآرڈینیٹر ہوسن۔