اسلام آباد۔3اپریل (اے پی پی) وزیراعظم محمد شہباز شریف پاکستان اتے فرانس وچال تجارت اتے سرمایہ کاری سودھے مختلف شعبیاں اچ آپسی تعاون کوں ودھاوݨ دی لوڑھ تے زور ݙیندیں ہوئیں فرانسیسی کمپنیاں کوں پاکستان اچ سرمایہ کاری دی دعوت ݙتی۔ بدھ کوں وزیراعظم آفس دے میڈیا ونگ توں جاری بیان موجب اے ڳالھیں انہاں پاکستان اچ فرانس دے سفیر نکولس گیلے نال ڳالھ مہاڑ کریندیں ہوئیں آکھی جنہاں وزیراعظم …
وزیراعظم محمد شہباز شریف نال پاکستان اچ فرانس دے سفیردی ملاقات
اسلام آباد۔3اپریل (اے پی پی) وزیراعظم محمد شہباز شریف پاکستان اتے فرانس وچال تجارت اتے سرمایہ کاری سودھے مختلف شعبیاں اچ آپسی تعاون کوں ودھاوݨ دی لوڑھ تے زور ݙیندیں ہوئیں فرانسیسی کمپنیاں کوں پاکستان اچ سرمایہ کاری دی دعوت ݙتی۔ بدھ کوں وزیراعظم آفس دے میڈیا ونگ توں جاری بیان موجب اے ڳالھیں انہاں پاکستان اچ فرانس دے سفیر نکولس گیلے نال ڳالھ مہاڑ کریندیں ہوئیں آکھی جنہاں وزیراعظم نال ملاقات کیتی۔ ایں موقع تے وزیر خارجہ سینیٹر محمد اسحاق ڈار اتے وزیراعظم دے معاون خصوصی طارق فاطمی وی موجود ہن۔ فرانسیسی سفیر فرانس دے وزیر اعظم جبریل اٹل ولوں تہنیتی خط پڄایا۔ وزیراعظم سنیھے تے فرانسیسی قیادت دا شکریہ ادا کیتا۔ وزیراعظم صدر میکرون کوں جلد توں جلدی پاکستان دا سرکاری دورہ کرݨ دی دعوت دا اعادہ کیتا۔ ملاقات اچ غزہ اتے افغانستان دی صورتحال وی ڳالھ مہاڑ تھئی۔ فرانسیسی سفیر وزیراعظم دا استقبال کرݨ تے شکریہ ادا کیتا۔
