اسلام آباد۔03 اپریل(اے پی پی)صدر مملکت آصف علی زرداری نال سنگاپور اچ پاکستان دی نامزد ہائی کمشنر رابعہ شفیق ملین۔ صدر مملکت آصف علی زرداری، رابعہ شفیق کوں پاکستانی ہائی کمشنر ٻݨݨ تے مبارک ݙتی۔ آصف علی زرداری آکھیا جو نامزد ہائی کمشنر کاروباری اداراں نال تجارتی و کاروباری روابط تکڑے کرݨ کیتے کم کرن، سنگاپور دے کاروباری اداریاں کوں پاکستان دی سرمایہ کاری دوست پالیسیاں توں فیدہ چاوݨ کیتے متوجہ کرݨ دی لوڑھ اے، سنگاپور اچ پاکستانی خوراک، زرعی مصنوعات دی برآمدات دے مواقع ڳولیے ونڄن جو پاکستان پراسیسڈ خوراک اتے سی فوڈ اچ سنگاپور کیتے ہک بہترین منڈی ٻݨ سڳدے۔
