لاہور۔3اپریل(اے پی پی):وزیراعلیٰ پنجاب مریم نواز شریف دی اڳواݨی اچ وزیراعلی آفس لاہور اچ صوبائی کابینہ دا اجلاس تھئے جیندے اچ سال 24-2023 کیتے کݨک دی امدادی قیمت 3900 روپے مݨ مقرر کرݨ دی منظوری ݙتی ڳئی اے۔ کابینہ پنجاب اچ سپیشل سپیڈی ٹرائل کورٹ ٻݨآوݨ دی وی منظوری ݙتی جیندے نال ریپ اتے ٻالاں تے ظلم و زیادتی دی مقدمات دا تیز ترین ٹرائل کرتے توڑ پچایا ویسی۔ اجلاس اچ ہتک عزت قانون اچ ترمیم اتے سپیشل کورٹ ٻݨاوݨ تے بریفنگ ݙتی ڳئی جیکوں منظوری کیتے تیکھے پنجاب اسمبلی اچ پیش کیتا ویسی، ہتک عزت کیس اچ 90 ݙینھ اچ ڈگری اتے 180 ݙینھ اچ ٹرائل مکاوݨا ہوسی۔ ہتک عزت نوٹس وݙے اخبارات، سوشل میڈیا، کوریئر دے ذریعے ݙتا ویسی۔ وزیراعلی مریم نواز آکھیے جو چھوٹے کاشتکاراں دے مفادات دا تحفظ ترجیح اے ڄیکوں زرعی مداخل کیتے ݙیݙھ لکھ روپے بلاسود قرضے ݙیسوں، کسان کارڈ وی جاری کیتا ویسی۔ اجلاس اچ کݨک خریداری پالیسی-25 2024 اتے کابینہ سٹینڈنگ کمیٹی برائے قانونی امور دی تشکیل دی توثیق والٹر نیٹ ڈس پیوٹ ریزرو لیشن ایکٹ 2019 اچ ترامیم دی منظوری وی ݙتی۔
