اسلام آباد۔4اپریل (اے پی پی):وزیر اعظم محمد شہباز شریف آکھیے اساں ملک تے قوم سانڳے ذوالفقار علی بھٹو دی خدمات کوں خراج عقیدت پیش کریندوں ۔ ذوالفقار علی بھٹو دی برسی تے سماجی رابطے دی ویب سائٹ ایکس تے آپݨے ٹویٹ اچ انہاں آکھیے جو 4 اپریل 1979 کوں وزیر اعظم ذوالفقار علی بھٹو کوں ھک غیر شفاف عدالتی کارروائی دے ذریعے پھاسی دی سزا سݨائی ڳئی ہئی ۔44 سال بعد سپریم کورٹ ایں تاریخی غلطی دا ازالہ کیتا لیکن ذوالفقار علی بھٹو دے اہل خانہ تے کارکناں سانڳے ایں ناقابل تلافی ضیان دا ازالہ محض ہنجوں تے نہ مکݨ آلا افسوس اے۔ انہاں آکھیے اساں ذوالفقار علی بھٹو دی ملک تے قوم سانڳے خدمات کوں خراج عقیدت پیش کریندے ہوئیں انہاں دی مغفرت اتے سارے وابستگان سانڳے صبر دی دعا کریندوں۔
