لاہور۔4اپریل (اے پی پی):لاہور ہائیکورٹ دائر درخواست تے کارروائی کریندے ہوئیں عام انتخابات اچ قومی اسمبلی حلقہ این اے 81 گوجرانوالہ توں ن لیگ دے اظہر قیوم دی کامیابی دا نوٹیفکیشن معطل کرݙتے ۔ عدالت نوٹس جاری کریندے ہوئیں فریقین توں جواب منگ ڳھدے ۔جسٹس شاہد کریم سنی اتحاد کونسل دے بلال اعجاز چودھری دی درخواست تے خمیس کوں سماعت کیتی جیں اچ موقف اختیار کیتا ڳئے جو سنی اتحاد کونسل دے بلال اعجاز چودھری 8 ہزار ووٹاں توں کامیاب قرار پاتن، الیکشن کمیشن ووٹاں دی ول ڳنتری تے مخالف امیدوار اظہر قیوم کوں کامیاب قرارݙے ݙتا ۔عدالت سنی اتحاد کونسل دے بلال اعجاز چودھری دی استدعا منظور کریندے ہوئیں این اے 81 گوجرانوالہ توں ن لیگ دے اظہر قیوم دی کامیابی دا نوٹیفکیشن معطل کرݙتا تے فریقین کوں نوٹس جاری کریندے ہوئیں جواب منگ ڳھدے ۔
