پاکستان اتے آذربائیجان وچال ترجیحی تجارتی معاہدے نال تجارت دے ٻئے در کھلسن، جام کمال خان

اسلام آباد۔4اپریل  (اے پی پی) وفاقی وزیر تجارت جام کمال خان آکھیا جو پاکستان اتے آذربائیجان وچال ترجیحی تجارتی معاہدے نال تجارت دے ٻئے در کھلسن۔ وزارت تجارت توں خمیس کوں جاری اعلامیہ موجب اے ڳالھیں وفاقی وزیر تجارت آپݨے دفتر اچ آذربائیجان دے سفیر خضر فرہادوف نال ملاقات اچ آکھی۔ ملاقات اچ ݙوہیں ملکاں وچال اقتصادی تعاون کوں ودھاوݨ بارے ڳالھ کیتی ڳئی۔