اسلام آباد۔4اپریل (اے پی پی) وزیر اعظم محمد شہباز شریف فلسطینی سفیر کوں یقین ݙوایا جو پاکستان ہر عالمی فورم تے فلسطینی عوام کیتے آواز چیندا رہسی، غزہ دی عوام کیتے امداد دی ٻئی ہک قسط عید دے بعد ٻھیجی ویسی۔ وزیر اعظم آفس دے میڈیا ونگ توں جاری بیان موجب خمیس کوں وزیر اعظم محمد شہباز شریف پاکستان اچ فلسطین دے سفیر احمد جواد اے اے ربی ملاقات کیتی۔ …
پاکستان ہر عالمی فورم تے فلسطینی عوام کیتے آواز چیندا رہسی، غزہ دی عوام کیتے امداد دی ٻئی ہک قسط عید دے بعد ٻھیجی ویسی، وزیراعظم محمد شہبازشریف
اسلام آباد۔4اپریل (اے پی پی) وزیر اعظم محمد شہباز شریف فلسطینی سفیر کوں یقین ݙوایا جو پاکستان ہر عالمی فورم تے فلسطینی عوام کیتے آواز چیندا رہسی، غزہ دی عوام کیتے امداد دی ٻئی ہک قسط عید دے بعد ٻھیجی ویسی۔ وزیر اعظم آفس دے میڈیا ونگ توں جاری بیان موجب خمیس کوں وزیر اعظم محمد شہباز شریف پاکستان اچ فلسطین دے سفیر احمد جواد اے اے ربی ملاقات کیتی۔ ایں موقع تے وزیر خارجہ اسحاق ڈار،وزیر اعظم معاون خصوصی طارق فاطمی اتے سیکرٹری خارجہ وی موجود ہن۔ وزیر اعظم فلسطین دے صدر ڈاکٹر محمود عباس ولوں انہاں دی ݙوجھی واری وزیراعظم دا منصب سنبھالݨ تے تہنیتی سنیھے تے انہاں دا شکریہ ادا کیتا۔ انہاں آکھیا جو پاکستان دے فلسطین نال تاریخی اتے نیڑے دے برادرانہ تعلقات ہن اتے پاکستان مسئلہ فلسطین دی اقوام متحدہ ،او آئی سی سودھے عالمی فورمز تے حمایت کریندا پئے۔ انہاں آکھیا جو 7 اکتوبر 2023 توں غزہ اچ جاری اڄوکی اسرائیلی بربریت دی مذمت کریندیں ہوئیں آکھیا جو بہادر اتے معصوم فلسطینیاں تے اے اسرائیلی بربریت فوری بند تھیوݨی چاہیدی اے۔ فلسطینی سفیر وزیر اعظم اتے پاکستان دی عوام ولوں فلسطین دی عوام دی مدد تے شکریہ ادا کیتا۔
