معیاری تعلیم ݙیوݨ سانڳے پرے دے علاقیں اچ دانش سکول بݨائے ویسن، وزیراعظم شہباز شریف

اسلام آباد۔5اپریل(اے پی پی):وزیراعظم محمد شہباز شریف آکھیے خصوصی اتے والدین دی نعمت توں محروم ٻال ٻہوں صلاحیتاں دے مالک ہن ۔ سارے ٻال اعلیٰ تعلیم گھن تے ملک دی بھرپور خدمت کریسن ، معیاری تعلیم ݙیوݨ سانڳے پرے دے علاقیں اچ دانش سکول بݨائے ویسن ۔ عوام کوں علاج دیاں بہتر سہولتاں ݙیوݨ سانڳے اسلام آباد، بلوچستان، کشمیر اتے گلگت بلتستان اچ نویں ہسپتال بݨیسوں ۔ اے ڳالھ انہاں گزریل ݙینھ خصوصی صلاحیتاں دے مالک اتے والدین دی نعمت توں محروم ٻالاں دے اعزاز اچ افطار ڈنر توں خطاب کریندے ہوئیں آکھی اے ۔ ایں موقع تے وفاقی وزیر اطلاعات تے نشریات عطاء اﷲ تارڑ، چیئرمین وزیراعظم یوتھ پروگرام رانا مشہود احمد خان اتے رکن قومی اسمبلی ڈاکٹر طارق فضل چوہدری وی موجود ہن۔  وزیراعظم آکھیے انہاں کوں خصوصی ٻالاں نال ملاقات کرتے ٻہوں خوشی تھئی اے، اڄ اے افطار ڈنر دے مہمانان خصوصی اے ٻال تے ٻالڑیاں ہن میں تساڈا میزبان ہاں۔