عیدالفطر دے موقع تے بجلی دے نرخاں اچ ڳھٹکی عوام کیتے حکومت ولوں خصوصی تحفہ اے، وفاقی وزیر اطلاعات عطاءاللہ تارڑ دی نجی ٹی وی چینل نال ڳالھ مہاڑ

اسلام آباد۔12اپریل (اے پی پی) وفاقی وزیر اطلاعات تے نشریات عطاءاللہ تارڑ آکھیا جو عیدالفطر دے موقع تے بجلی دے نرخاں اچ ڳھٹکی عوام کیتے حکومت ولوں خصوصی تحفہ اے۔ خمیس کوں نجی ٹی وی نال ڳالھ مہاڑ کریندیں ہوئیں انہاں آکھیا جو وزیراعظم شہباز شریف دی ساری توجہ مہانگ ڳھٹ کرݨ تے اے۔ انہاں آکھیا جو اپریل دے مہینے اچ گزریل مہینے دی نسبت ترائے روپے 82 پیسے ڳھٹکی تھئی اے۔ انہاں آکھیا جو سہ ماہی ایڈجسٹمنٹ اچ ڈالر ریٹ تے انحصار ہوندے، ڈالر دے مقابلے روپے دی قدر مستحکم تھیوݨ پاروں بجلی دے نرخ ڳھٹ تھین۔ حالات بہتر رہے تاں بجلی دے نرخ ٻئے وی ڳھٹ تھیسن۔