اسلام آباد۔16اپریل (اے پی پی):وزیر خارجہ سینیٹر اسحاق ڈار آکھیے جو پاکستان اچ سعودی سرمایہ کاری نال نہ صرف قابل قدر شراکت داری کوں تقویت ملسی بلکہ اے علاقائی امن و استحکام اچ وی اہم کردار ادا کریسی ۔ او منڳل کوں اتھاں خصوصی سرمایہ کاری سہولت کونسل (سی آئی ایف سی )فورم توں خطاب کریندے پئے ہن جیں اچ سعودی وزیر خارجہ شہزادہ فیصل بن فرحان آل سعود دی …
پاکستان اچ سعودی سرمایہ کاری نال شراکت داری کوں تقویت ملݨ نال علاقائی امن و استحکام ودھسی، وزیر خارجہ اسحاق ڈار
اسلام آباد۔16اپریل (اے پی پی):وزیر خارجہ سینیٹر اسحاق ڈار آکھیے جو پاکستان اچ سعودی سرمایہ کاری نال نہ صرف قابل قدر شراکت داری کوں تقویت ملسی بلکہ اے علاقائی امن و استحکام اچ وی اہم کردار ادا کریسی ۔ او منڳل کوں اتھاں خصوصی سرمایہ کاری سہولت کونسل (سی آئی ایف سی )فورم توں خطاب کریندے پئے ہن جیں اچ سعودی وزیر خارجہ شہزادہ فیصل بن فرحان آل سعود دی قیادت اچ دورہ کرݨ آلے اعلیٰ سطحی سعودی وفد شرکت کیتی ۔ دورہ کرݨ آلے وفد اچ سعودی وزیر پاݨی و زراعت انجینیر عبدالرحمن عبدالمحسن آل فضلی ، صنعت اتے معدنی وسائل دے وزیر، بندر ابراہیم الخریف، معاون وزیرسرمایہ کاری، ابراہیم بن یوسف المبارک؛ سعودی خصوصی کمیٹی دے سربراہ، محمد مازیاد التویجری اتے وزارت توانائی اتے سعودی پبلک انویسٹمنٹ فنڈ دے سینئر حکام شامل ہن ۔ وزیر خارجہ آکھیے جو موجودہ حکومت دا ہدف سرمایہ کاراں بالخصوص سعودی عرب دے سرمایہ کاراں سانڳے پرکشش ماحول پیدا کریندے ہوئیں پاکستان کوں اقتصادی سرگرمی اتے جدت دے حامل مرکز اچ بدالݨ اے ۔ وزیر خارجہ وفد کوں یقین ݙیوائے جو پاکستان اچ سعودی سرمایہ کاری سانجھی ترقی اتے خوشحالی سانڳے وی مددگار ثابت تھیسی ۔ وزیر خارجہ ایں عزم دا اعادہ کیتے جو پاکستان اچ سعودی سرمایہ کاری کوں ٻہوں قدر تے ادارہ جاتی نظام دے ذریعے بروئے کار گھن آیا ویسی۔
