اسلام آباد۔16اپریل(اے پی پی):وزیراعظم محمد شہبازشریف آکھیے سعودی عرب اوکھے ویلھے پاکستان دا ساتھ ݙتے ۔ پاکستان ݙوہیں ملکاں وچال تجارت اتے سرمایہ کاری دے شعبیں اچ تعاون ودھاوݨ چاہندے، سعودی وزیر خارجہ دی قیادت اچ وفد دا دورہ پاک سعودیہ سٹریٹجک اتے تجارتی شراکت داری دے نویں دور داآغاز اے جݙاں جو سعودی وزیرخارجہ فیصل فرحان السعود پاکستان اتے سعودی عرب دے تعلقات کوں تکڑا بݨاوݨ تے تجارتی …
سعودی عرب اوکھے ویلھے ہمیشہ پاکستان دا ساتھ ݙتے ، پاکستان سانجھی تجارت تے سرمایہ کاری دے شعبیں اچ تعاون ودھاوݨ چاہندے، وزیراعظم محمد شہبازشریف
اسلام آباد۔16اپریل(اے پی پی):وزیراعظم محمد شہبازشریف آکھیے سعودی عرب اوکھے ویلھے پاکستان دا ساتھ ݙتے ۔ پاکستان ݙوہیں ملکاں وچال تجارت اتے سرمایہ کاری دے شعبیں اچ تعاون ودھاوݨ چاہندے، سعودی وزیر خارجہ دی قیادت اچ وفد دا دورہ پاک سعودیہ سٹریٹجک اتے تجارتی شراکت داری دے نویں دور داآغاز اے جݙاں جو سعودی وزیرخارجہ فیصل فرحان السعود پاکستان اتے سعودی عرب دے تعلقات کوں تکڑا بݨاوݨ تے تجارتی و سرمایہ کاری ، شراکتداری کوں مزید ودھارا ݙیوݨ سانڳے سعودی عزم دا اعادہ کیتے۔ وزیراعظم آفس دےمیڈیا ونگ توں جاری بیان موجب انہاں سعودی وزیرِ خارجہ شہزادہ فیصل بن فرحان السعود دی زیر قیادت سعودی وفد وزیراعظم محمد شہبازشریف نال وزیراعظم ہائوس اچ ملاقات کیتی ۔ سعودی وفد اچ نائب وزیرِ سرمایہ کاری انجینئر ابراہیم بن یوسف المبارک، سعودی وزیر ماحولیات، آبی وسائل و زراعت انجنیئر عبدالرحمن بن عبدلامحسن آلفضلی، سعودی وزیرِ صنعت و معدنی وسائل انجنیئر بندر بن ابراہیم بن عبداللہ آلخریف اتے اعلی سعودی حکام و سفارتی اہلکار شامل ہن جݙاں جو ملاقات اچ وفاقی وزرا اسحاق ڈار، خواجہ محمد آصف، سید محسن رضا نقوی، جام کمال خان، رانا تنویر حسین، عبدالعلیم خان، ڈاکٹر مصدق ملک، سردار اویس خان لغاری، ڈپٹی چیئرمین پلاننگ محمد جہانزیب خان، رکن قومی اسمبلی رومینہ خورشید عالم اتے حکومتی حکام وی شامل ہن ۔ ملاقات اچ وزیرِ اعظم وفد دا پاکستان آمد تے خیر مقدم کیتا اتے سعودی قیادت، خادم الحرمین شریفین سلمان بن عبدالعزیز آل سعود اتے شہزادہ محمد بن سلمان آل سعود سانڳے نیک خواہشات دا سنھیا ݙتا ۔ملاقات اچ وزیرِ اعظم سعودی وفد کوں پاکستان اچ سرمایہ کاری دا ݙسائے ۔سعودی وزیرِ خارجہ شہزاد فیصل بن فرحال آل سعود پاکستان سعودیہ تعلقات تکڑے کرݨ تجارتی و سرمایہ کاری شراکت داری کوں مزید ودھارا ݙیوݨ سانڳے سعودی عزم دا اعادہ کیتے ۔
