اسلام آباد۔16اپریل (اے پی پی):پاکستان تے سعودی عرب ݙوہیں بھرا ملکاں سانجھے فیدے سانڳے تکڑی شراکت داری بݨاوݨ تے اقتصادی تعاون مزید ودھاوݨ دے عزم دا اعادہ کیتے ۔ اے ڳالھ صدر مملکت آصف علی زرداری اتے سعودی وزیر خارجہ شہزادہ فیصل بن فرحان السعود وچال ملاقات اچ تھئی اے ۔ سعودی وزیر خارجہ ایوان صدر اچ ھک اعلیٰ اختیاراتی وفد دے رلے صدر مملکت نال ملاقات کیتی۔ ایوان …
صدر مملکت نال سعودی وفد دی ملاقات ، ݙوہیں ملکاں وچال تکڑی شراکت داری بݨاوݨ ، اقتصادی تعاون ودھاوݨ دے عزم دا اعادہ
اسلام آباد۔16اپریل (اے پی پی):پاکستان تے سعودی عرب ݙوہیں بھرا ملکاں سانجھے فیدے سانڳے تکڑی شراکت داری بݨاوݨ تے اقتصادی تعاون مزید ودھاوݨ دے عزم دا اعادہ کیتے ۔ اے ڳالھ صدر مملکت آصف علی زرداری اتے سعودی وزیر خارجہ شہزادہ فیصل بن فرحان السعود وچال ملاقات اچ تھئی اے ۔ سعودی وزیر خارجہ ایوان صدر اچ ھک اعلیٰ اختیاراتی وفد دے رلے صدر مملکت نال ملاقات کیتی۔ ایوان صدر دے پریس ونگ موجب سعودی وفد اچ وزیر پاݨی و زراعت، وزیر صنعت و معدنی وسائل، معاون وزیر سرمایہ کاری، سعودی خصوصی کمیٹی دے سربراہ اتے وزارت توانائی تے سعودی پبلک انویسٹمنٹ فنڈ دے اعلیٰ حکام شامل ہن۔ پاکستان پیپلز پارٹی دے چیئرمین بلاول بھٹو زرداری، وزیر خارجہ محمد اسحاق ڈار، وزیر نجکاری تے سرمایہ کاری بورڈ عبدالعلیم خان، وزیر پیٹرولیم اتے آبی وسائل مصدق مسعود ملک، وزیر صنعت و پیداوار رانا تنویر حسین تے سیکرٹری خارجہ سائرس سجاد قاضی اتے اعلیٰ سرکاری حکام وی ملاقات اچ شریک ہن ۔ صدر مملکت وفد دا خیرمقدم کریندے ہوئیں آکھیے جو پاکستان اتے سعودی عرب وچال پراݨے تے ݙھاکیں توں تعلقات ہن اتے پاکستان موجودہ تعلقات کوں لمبی مدت تزویراتی اتے اقتصادی شراکت داری اچ بدالݨ چاہندے ۔ انہاں آکھیے پاکستان دی حکومت اتے عوام خادم حرمین شریفین شاہ سلمان بن عبدالعزیز آل سعود دا احترام کریندن تے سعودی عرب دے رلے کھڑن ۔ صدر مملکت آکھیے اسلامی دنیا دی خوشحالی سعودی عرب دی ترقی نال جڑی اے ۔ انہاں سعودی ولی عہد اتے سعودی عرب دے وزیر اعظم محمد بن سلمان دی جرات مندانہ اتے دور اندیش قیادت اتے ویژن 2030 دے تحت تھیوݨ آلی قابل ذکر پیش رفت دی تعریف کیتی ۔ سعودی وزیر خارجہ آکھیے جو سعودی عرب پاکستان نال آپݨے تعلقات کوں اہمیت ݙیندے تے پاکستان نال تکڑی شراکت داری سانڳے پرعزم اے۔
