اسلام آباد۔17اپریل (اے پی پی):صدر مملکت آصف علی زرداری ترکیہ دے نال تجارت، معیشت، تعلیم اتے ثقافت دے شعبیں اچ ݙو پاسے تعاون ودھاوݨ تے زور ݙیندے ہوئیں آکھیے جو ترک کمپنیاں پاکستان دی سرمایہ کاری دوست پالیسیاں توں فیدہ چاون تے پاکستان سٹاک ایکسچینج دے ذریعے سرمایہ کاری کرن۔ صدر مملکت اے ڳالھ پاکستان اچ ترکیہ دے سفیر ڈاکٹر مہمت پاچاجی نال ایوان صدرملاقات اچ کیتی ۔ صدر …
ترک کمپنیاں پاکستان دی سرمایہ کاری دوست پالیسیاں توں فیدہ چاون، صدر مملکت آصف علی زرداری دی ترکیہ دےسفیرنال ڳالھ مہاڑ
اسلام آباد۔17اپریل (اے پی پی):صدر مملکت آصف علی زرداری ترکیہ دے نال تجارت، معیشت، تعلیم اتے ثقافت دے شعبیں اچ ݙو پاسے تعاون ودھاوݨ تے زور ݙیندے ہوئیں آکھیے جو ترک کمپنیاں پاکستان دی سرمایہ کاری دوست پالیسیاں توں فیدہ چاون تے پاکستان سٹاک ایکسچینج دے ذریعے سرمایہ کاری کرن۔ صدر مملکت اے ڳالھ پاکستان اچ ترکیہ دے سفیر ڈاکٹر مہمت پاچاجی نال ایوان صدرملاقات اچ کیتی ۔ صدر مملکت ترک سفیر دا خیرمقدم کریندے ہوئیں آکھیے جو پاکستان اتے ترکیہ دے عوام وچال تاریخی اتے پراݨے تعلقات ہن، ݙوہیں قوماں ہمیشہ اوکھے ویلھے ھک ݙوجھے دا ساتھ ݙتے ۔ صدر مملکت آکھیے پاکستان انفراسٹرکچر دی ترقی دے شعبے سودھے ترکیہ دے ترقیاتی تجربے توں فیدہ چا سڳدے ۔ علاقائی رابطیں کوں ودھارا ݙیوݨ سانڳے انہاں ݙوہیں بھرا ملکاں وچال ریلوے رابطہ قائم کرݨ سانڳے سانجھی فزیبلٹی سٹڈی دی تجویز ݙتی ۔ صدر عوامی رابطے کوں مزید ودھارا ݙیوݨ سانڳے تعلیمی اتے ثقافتی تبادلیں کوں ودھاوݨ دی لوڑھ تے وی زور ݙتا ۔انہاں آکھیے جو پاکستان ترکیہ دے صدر رجب طیب اردگان دا پاکستان اچ 7ویں اعلیٰ سطحی سٹرٹیجک کوآپریشن کونسل دے اجلاس اچ خیرمقدم کریسی ۔انہاں صدر پاکستان منتخب تھیوݨ تے رمضان المبارک دے آغاز تے مبارخ دے سنیہے تے صدر طیب اردگان دا شکریہ ادا کیتے۔
