اسلام آباد۔18اپریل (اے پی پی):وزیراعظم محمد شہباز شریف یورپی یونین نال رل تے کم کرݨ دی خواہش دا اظہار کریندے ہوئیں آکھیے جو یورپی یونین پاکستان اچ مختلف شعبیں اچ اہم اصلاحات سانڳے مشاورت اتے مہارت ݙیوݨ سانڳے اہم کردار ادا کر سڳدی اے وزیراعظم آفس دے میڈیا ونگ توں جاری بیان موجب وزیراعظم محمد شہباز شریف نال پاکستان اچ یورپی یونین دی سفیر ایمبیسیڈر رینا کیونکا ملاقات کیتی۔ وزیر …
وزیراعظم محمد شہباز شریف نال پاکستان اچ یورپی یونین دی سفیر دی ملاقات
اسلام آباد۔18اپریل (اے پی پی):وزیراعظم محمد شہباز شریف یورپی یونین نال رل تے کم کرݨ دی خواہش دا اظہار کریندے ہوئیں آکھیے جو یورپی یونین پاکستان اچ مختلف شعبیں اچ اہم اصلاحات سانڳے مشاورت اتے مہارت ݙیوݨ سانڳے اہم کردار ادا کر سڳدی اے وزیراعظم آفس دے میڈیا ونگ توں جاری بیان موجب وزیراعظم محمد شہباز شریف نال پاکستان اچ یورپی یونین دی سفیر ایمبیسیڈر رینا کیونکا ملاقات کیتی۔ وزیر اعظم اپݨے ول انتخاب تے مبارکباد دے پیغامات تے یورپی یونین دے رہنماواں دا شکریہ ادا کیتے۔ وزیراعظم یورپی یونین دی سفیر نال ڳالھ کریندے ہوئیں آکھیے جو او یورپی یونین نال رل تے کم کرݨ چاہندن ۔ انہاں آکھیے پاکستان دے یورپی یونین نال دوستانہ اتے خوشگوار تعلقات ہن۔ انہاں ݙوہیں پاسوں موجودہ ادارہ جاتی لائحہ عمل تے اطمینان دا اظہار کیتے۔ وزیراعظم جی ایس پی پلس سکیم دے حوالے نال پاکستان سانڳے یورپی یونین دی مسلسل حمایت دی تعریف کیتی ۔ یورپی یونین دی سفیر وزیراعظم کوں ݙوہیں پاسوں تعاون دے مختلف اقدامات بارے ݙسایا تے جنہاں اچ ݙوہیں فریقین وچال نقل و حرکت دے معاملات اتے پاکستان اچ کم کرݨ آلے یورپی کاروباروں کوں سہولت ݙیوݨ شامل اے ۔
