واشنگٹن۔20اپریل (اے پی پی):وفاقی وزیر خزانہ و محصولات محمد اورنگزیب انٹرنیشنل فنانس کارپوریشن (آئی ایف سی) دے منیجنگ ڈائریکٹر میختر ڈیوپ نال ملاقات کیتی تے ملک اچ آئی ایف سی دی سرگرمیاں تکھی کرݨ تے اطمینان دا اظہار کیتے۔ خزانہ ڈویژن توں جاری پریس ریلیز موجب وزیر خزانہ آئی ایم ایف دے نال 9 مہینے دے اسٹینڈ بائی معاہدے (ایس بی اے) دی بدولت ملک دے مثبت معاشی اشاریں بشمول زرمبادلہ دے ذخیرے اچ بہتری، مستحکم کرنسی، افراط زر اچ کمی، سٹاک مارکیٹ اچ ودھارا تے مارکیٹ اچ ادارہ جاتی/ غیر ملکی سرمایہ کاری بارے بریفنگ ݙتی ڳئی۔ انہاں آکھیے پاکستان آئی ایم ایف نال ھک وݙے اتے توسیعی پروگرام اچ رلݨ چاہندے ۔ ٹیکس اصلاحات کوں ودھاوݨ ، توانائی دے شعبے کوں ٹھیک کرݨ تے سرکاری ملکیتی اداریں (ایس او ای) دی اصلاحات کوں حکومت دی اہم ترجیحات قرار ݙیندے ہوئیں اسلام آباد ایئرپورٹ دی آؤٹ سورسنگ اچ تعاون تے آئی ایف سی دا شکریہ ادا کیتے۔
