ایرانی صدر ڈاکٹر سید ابراہیم رئیسی 22 اپریل توں 24 اپریل تئیں پاکستان دا سرکاری دورہ کریسن

اسلام آباد۔21اپریل(اے پی پی):ایران دے صدر ڈاکٹر سید ابراہیم رئیسی 22 توں 24 اپریل 2024 تئیں پاکستان دا سرکاری دورہ کریسن ۔ فروری 2024 اچ عام انتخابات دے بعد کہیں وی سربراہ مملکت دا پاکستان دا اے پہلا دورہ ہوسی۔ ترجمان دفتر خارجہ دی طرفوں توار کوں جاری پریس ریلیز موجب ایرانی صدر دے رلے انہاں دی ذال تے اعلیٰ سطحی وفد وی ہوسی جیں اچ وزیر خارجہ اتے کابینہ دے ٻئے ارکان، اعلیٰ حکام دے علاوہ ھک وݙا تجارتی وفد وی شامل ہوسی ۔ ایران دے صدر اپݨے دورہ پاکستان دے دوران صدر مملکت اتے وزیراعظم پاکستان، چیئرمین سینیٹ اتے اسپیکر قومی اسمبلی نال ملاقات کریسن ۔ اولاہور تے کراچی دا وی دورہ کریسن تے صوبائی قیادت نال ملاقاتاں کریسن ۔ فریقین کنے پاکستان ایران تعلقات کوں مزید مستحکم بݨاوݨ تے تجارت، سانجھے رابطیں، توانائی، زراعت اتے عوام نال عوام دے رابطیں سودھے مختلف شعبیں اچ تعاون ودھاوݨ دا وسیع ایجنڈا ہوسی دورہ دے موقع تے فریقین علاقائی اتے عالمی پیش رفت اتے دہشت گردی دے مشترکہ خطرےنال نبݨݨ سانڳٖ ݙو پاسے تعاون تے وی ڳالھ مہاڑ کریسن۔