ڈاکٹرعلامہ محمد اقبال نینگراں کوں آپݨے اسلاف دیاں قربانیاں، انھاں دی عظمت اتے آپݨی ونڄی ہوئی میراث نال روشناس کراوݨ اچ اہم کردار ادا کیتے ،وزیر اعظم محمد شہباز شریف

اسلام آباد/لاہور۔21اپریل (اے پی پی):وزیر اعظم محمد شہباز شریف آکھیے جو ڈاکٹر علامہ محمد اقبال نینگراں کوں آپݨے اسلاف دیاں قربانیاں، انھاں دی عظمت اتے آپݨی ونڄی ہوئی میراث نال روشناس کراوݨ اچ اہم کردار ادا کیتے ۔ وزیر اعظم آفس میڈیا ونگ موجب ڈاکٹر علامہ محمد اقبال دے 86 ویں یوم وفات تے آپݨے سنھیے اچ وزیراعظم محمد شہباز شریف آکھیے جو اڄ شاعر مشرق اتے مفکر پاکستان ڈاکٹر علامہ محمد اقبال دا86واں یوم وفات اے۔ پوری قوم انھاں دے اچے درجات سانڳے دعا کریندی اے تے انہاں کوں خراج عقیدت پیش کریندی پئی اے ۔ ڈاکٹر علامہ محمد اقبال اپݨے افکار و تعلیمات اچ امتِ مسلمہ دے اتحاد تے زور ݙتا، نینگر انہاں دی خصوصی توجہ دا مرکز ہن ، انہاں نینگراں کوں آپݨے اسلاف دی قربانیاں، انھاں دی عظمت اتے آپݨی ونڄی ہوئی میراث نال روشناس کراوݨ اچ اہم کردار ادا کیتے ۔ وزیر اعظم مزید آکھیے جو علامہ اقبال نینگراں کوں جہد مسلسل دی تعلیم ݙتی انہاں کوں مسلماناں دے تابناک ماضی توں سبق حاصل کرتے مستقبل اچ علم و تحقیق دی منزلاں دے کرݨ دی تلقین کیتی ۔ انہاں آکھیے اقبال دا فلسفہِء خودی اساں ساریں کیتے مشعل راہ اے ۔ انہاں دے خودی دے فلسفے کوں اپنا تے انسان کامل بݨٰیا ونڄ سڳدے ۔انہاں دے فلسفے اتے تعلیمات تے نہ صرف خطے بلکہ پوری دنیا اچ اڄ وی جدید جامعات اچ تحقیق کیتی ویندی پئی اے۔