پاکستان آئی ایم ایف توں نواں قرضہ گھنݨ چاہندے ، خصوصی سرمایہ کاری سہولت کونسل دے قیام دے ذریعے ٻاہرلے ملک توں سرمایہ کاری کوں ودھایا ویندا پئے ،وزیر خزانہ محمد اورنگزیب دا ’’دی نیشنل نیوز‘‘ کوں انٹرویو

اسلام آباد۔22اپریل (اے پی پی):وزیر خزانہ محمد اورنگزیب آکھیے پاکستان آئی ایم ایف توں نواں قرضہ گھنݨ چاہندے ، خصوصی سرمایہ کاری سہولت کونسل دے قیام دے ذریعے ٻاہرلے ملک توں سرمایہ کاری کوں ودھایا ویندا پئے۔روپیہ ہݨ مستحکم اےاتے مہانگ اڳلے سال دے چھیکڑ تئیں سنگل ڈیجٹ تئیں آوݨ دی توقع اے،میکرو اکنامک عوامل پاکستان دے حق اچ بدلدے پئن تے کیوں جو اے آپݨی پسماندہ معیشت کوں ودھارا ݙیوݨ سانڳے کم کریندا پئے۔ اے ڳالھ انہاں متحدہ عرب امارات دے انگریزی اخبار ’’دی نیشنل نیوز ‘‘ کوں واشنگٹن اچ ݙتے ڳئے انٹرویواچ آکھی اے ۔انہاں آکھیے آئی ایم ایف ھک وݙے تے طویل پروگرام تے غور کرݨ تے رضامندی دے معاملے اچ قبول کریندا پئے ۔ ٹیکس اتے توانائی سودھے ٻہوں سارے شعبیں اچ اصلاحاتی ایجنڈے کوں اڳوݨ ودھواݨ سانڳے کم کوں گھٹ توں گھت ترائے سال دی مدد درکار ہوسی۔وزیر خزانہ آکھیے میکرو اکنامک عوامل پاکستان دے حق اچ بدلدے پئن کیوں جو آپݨی پسماندہ معیشت کوں ودھارا ݙیوݨ سانڳے کم کریندا پئے ، پاکستان دی کرنسی مستحکم تھی چکی اے تے مہانگ اڳلے سال دے چھیکڑ تئیں سنگل ڈیجٹ دی سطح تے ڈھݨ دے رستے تے ہے ۔ وزیر خزانہ محمد اورنگزیب آکھیے پاکستان بین الاقوامی مالیاتی فنڈ توں نواں قرضہ گھنݨ دے رستے تے ہے،پاکستان دی کرنسی آخر کار مستحکم تھی ڳئی تے مہانگ دی شرح اڳلے سال دے چھیکڑ تئیں سنگل ڈیجٹ تے آویسی۔ انہاں آکھیے قرض دی حتمی تفصیلات دا تعین اوں ویلھے کیتا ویسی جݙاں آئی ایم ایف دا مشن آندے مہینے اسلام آباد دا دورہ کریسی ۔