کرہ ارض کوں پیش آندے اہم ماحولیاتی چیلنج نال نبݨݨ دی لوڑھ اے، چیئرمین سینیٹ  دا عالمی یوم ارض دے موقع تے سنھیا

اسلام آباد۔22اپریل  (اے پی پی):چیئرمین سینیٹ سیّد یوسف رضا گیلانی آکھیے جو کرہ ارض کوں پیش آندے اہم ماحولیاتی چیلنج نال نبݨݨ دی لوڑھ اے۔ ساݙے ماحولیاتی نظام کوں پلاسٹک دے ضیان آلے اثرات دا سامݨا اے ۔ پلاسٹک کھنڈݨ پاروں ھک غیرمعمولی بحران دا سامنا کریندے پیوں اساکوں ایں نال نبݨݨ سانڳے فیصلہ کن اقدامات کرݨ دی لوڑھ اے ۔ آؤ اساں کرۂ ارض دی حفاظت اتے ایندے قیمتی وسائل دی حفاظت سانڳے آپݨے عزم کوں دہراؤں ۔ اے ڳالھ انہاں عالمی یوم ارض دے موقع تے آپݨے سنھیے اچ آکھی اے ۔ چیئرمین سینیٹ  آکھیے اساں یوم ارض منیندے پیوں اساکوں آپݨے کرۂ ارض کوں پیش آندے اہم ماحولیاتی چیلنج تے غور کرݨ دی لوڑھ اے ۔ خاص طور تے ساݙے ماحولیاتی نظام کوں پلاسٹک دے ضیان آلے اثرات دا سامݨا اے جئیں دا تدارک ویلھے دی اہم لوڑھ اے ۔