اسلام آباد۔22اپریل (اے پی پی) پاکستان اتے ایران دا ݙوپاسہ تجارتی حجم ݙاہ ارب ڈالر تئیں ودھاوݨ تے اتفاق کریندیں ہوئیں آکھیا جو ݙوہیں ملک مذہب، ثقافت اتے تہذیب دے دشتیاں اچ بدھیے ہوئن، ویلھا آڳئے جو ایران پاکستان دے تعلقات کوں ٻیا ودھایا ونڄے، اساݙی سرحداں تے ترقی تے خوشحالی دے مینار ٻݨݨ اتے انہاں کوں کاروبار، خوشحالی اتے نظر امدی ترقی اچ بدلوں۔ اقوام متحدہ کوں غزہ اچ …
پاکستان اتے ایران دا ݙوپاسہ تجارتی حجم ݙاہ ارب ڈالر تئیں ودھاوݨ تے اتفاق، اقوام متحدہ کوں غزہ اچ انسانیت سوز ظلم دے خاتمے کیتے آپݨا کردار ادا کرݨا چاہیدے، وزیراعظم شہباز شریف اتے ایرانی صدر دی مفاہمت دی یادداشتاں تے دستخط دی تقریب دے بعد ڳالھ مہاڑ
مزید خبراں
اسلام آباد۔22اپریل (اے پی پی) پاکستان اتے ایران دا ݙوپاسہ تجارتی حجم ݙاہ ارب ڈالر تئیں ودھاوݨ تے اتفاق کریندیں ہوئیں آکھیا جو ݙوہیں ملک مذہب، ثقافت اتے تہذیب دے دشتیاں اچ بدھیے ہوئن، ویلھا آڳئے جو ایران پاکستان دے تعلقات کوں ٻیا ودھایا ونڄے، اساݙی سرحداں تے ترقی تے خوشحالی دے مینار ٻݨݨ اتے انہاں کوں کاروبار، خوشحالی اتے نظر امدی ترقی اچ بدلوں۔ اقوام متحدہ کوں غزہ اچ انسانیت سوز ظلم دے خاتمے کیتے آپݨا کردار ادا کرݨا چاہیدے۔ پاکستان اتے ایران ہمیشہ کشمیری اتے فلسطینیاں دے حق خودارادیت دی جدوجہد دی حمایت کیتی اے۔ سنوار کوں ایران دے صدر سید ابراہیم رئیسی دے دورہ پاکستان دے موقع تے مختلف شعبیاں اچ تعاون کیتے مفاہمت دی یادداشت تے دستخط دی تقریب دے بعد میڈیا نال ڳالھ مہاڑ کریندیں ہوئیں وزیراعظم شہباز شریف آکھیا جو ایرانی صدر برادر ملک ایران توں پہلے مزمان ہن جیڑھے جو اساݙی حکومت دے بعد بطور صدر، پاکستان دا پہلا دورہ کریندے پئن۔ اے اساں کیتے اعزاز دی ڳالھ اے۔ ایران دے صدر ابراہیم رئیسی وزیراعظم شہباز شریف اتے حکومت پاکستان دا بھرپور استقبال تے شکریہ ادا کریندیں ہوئیں آکھیا جو پاکستان دی سرزمین اساں کیتے قابل احترام اے، پاکستان دی عوام اتے حکومت کوں ایران دے سپریم لیڈر ولوں سلا م پیش کریندوں جنہاں ہمیشہ اسلامی اقدار کیتے جدوجہد کیتی اتے ہمیشہ فلسطین تے غزہ دی عوام دی حقوق دی حمایت کیتی۔ انہاں آکھیا جو فلسطین اچ جاری اسرائیلی صیہونی فورسز ولوں نسل کشی دا خاتمہ ٻہوں ضروری اے، انہاں آکھیا جو اقوام متحدہ اتے انسانی حقوق دی ڳالھ کرݨ آلی ٻئی عالمی طاقتاں کوں غزہ بارے آپݨی ذمہ واریاں پوری کرݨی چاہیدن۔ پاکستان اتے ایران دی عوام انسانی حقوق دی خلاف ورزیاں تے پوری دنیا اچ آواز چیندے پئن۔ ایرانی صدر آکھیا جو ایران دی بہادر عوام غیر قانونی پابندیاں کوں موقعیاں اچ بدل ݙتے جئیں نال ایران اچ ترقی اتے خوشحالی آئی اے۔ ایران دی ترقی اتے ٹیکنالوجی دے تجربیاں توں فیدہ چاتا ونڄ سڳدے۔
